Кошлар исәбен алу йомгаклары буенча Татарстанда җиде мең чыпчык яши
Россиядә халык санын алу гына түгел, җан ияләрен дә исәпкә алалар. Бу юлы галимнәр алдына чыпчыкларның санын белү бурычы куелды - Татарстанда әлеге кошларны 400 кеше санаган. Бу хакта ТР биоресурслар буенча Дәүләт комитетында хәбәр иттеләр.
Белгечләр һәм волонтерлар чыпчыкларның ике төрен – кыр чыпчыкларын (авыл чыпчыкларын) һәм йорт чыпчыкларын күзәткән. Халык санын алу нәтиҗәсендә 6948 кош теркәлгән.
Исәпкә алуда катнашучылар чыпчыкларны тапканнар, аларны фотога төшергәннәр, GPS аша аларның кайда булуын билгеләгәннәр, ә аннары мәгълүматны проект сайтына җибәргәннәр.
Сүз уңаеннан, бөтен Россия буенча мәгълүматлар кызыклы – илнең 87 төбәгендә 322 426 чыпчык яши икән. Ә реаль сан тагын да күбрәк булырга мөмкин.
Чыганак:казанкп
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев