Татарстанга болытлы һәм карлы һава торышы килә

Иртәгә, 7 декабрьдә, Татарстанда аязучан болытлы һава торышы көтелә. Юеш кар явачак. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Моннан тыш, республикада бозлавык була, дип хәбәр ителә Татарстан Гидрометеорология һәм әйләнә-тирә мохитне күзәтү идарәсе тараткан кисәтүдә.

Һава температурасы төнлә 6 градустан 11 градуска кадәр салкын, аязганда 16 градуска кадәр салкын булачак. Көндез бераз җылыта һәм -3, - 8 градус көтелә.

Республика синоптиклары элек 5 - 7 декабрьдә республика территориясендә Себердән антициклон керәчәген хәбәр иткән иде. Метеорологлар фаразлары буенча, температура нормага якын булачак.

Фото: архив/Рамиль Гали

https://tatar-inform.tatar