Укучылар һәм студентлар булдыра
2 март көнне Казаклар авылы клубында “Алар даны мәңгелек” дип исемләнгән районкүләм сәнгать фестивале кысаларында булып узган концертта, студентлар һәм Кече Кибәхуҗа төп мәктәбе, Олы Кибәхуҗа башлангыч мәктәбе укучылары бик актив катнашуы белән истә калды.
Шунысы сөенечле, бу төбәктә, җырны-моңны, театр сәнгатен үз иткән балалар үсеп килә. Бу очракта эреле -ваклы 12 гармунчы егет үсеп килүен әйтеп үтү дә җитә. Соклангыч күренеш.
Уенын-чынын кушып әйткәндә, биредә бишектән төшүгә гармунда уйный башлыйлар, ахрысы. Әлбәттә, укучы балаларны мактап телгә алу, бу һич кенә дә өлкәннәр хезмәтенә күләгә төшерү түгел, тамаша уңышлы чыксын өчен алар да күп көч куйдылар, балалар белән берлектә театраль күренешләрдә актив катнаштылар, мөстәкыйль номерлар белән дә чыгыш ясадылар.
Бу хакта тулырак “Теләче” газетасының киләсе саныннан укый аласыз.
Фәнил Гаязов.
Следите за самым важным и интересным в Telegram-каналеТатмедиа
Нет комментариев