Утлы еллар кайтавазы
Авыл җирлекләрендә һәм район мәдәният йортында Бөек Җиңүнең 80 еллыгы уңаеннан игълан ителгән “Алар даны мәңгелек” дип исемләнгән сәнгать фестивале зур уңыш белән дәвам итә.
Аның чираттагысын, 1 апрель көнне, район мәдәният йортында, әнә шул исем астында узганын, Теләче авыл җирлегендә урнашкан мәгариф учреждениеләре хезмәткәрләре һәм балалар тәкъдим итте.
Концерт үзе башка тамашалардан аермалы буларак, район мәгариф бүлеге мөдире Наталья Карпованың шигъри тәлгәшләре, укытучылар тәкъдим иткән укытучы-фронтовикларның портретлары һәм бер минут тынлык белән башланып китте. Әлеге концерт та сугыш һәм аннан соңгы елларны киң масштаб белән (чөнки массакүләм күренешләрдә катнашучылар гаять күп иде) сурәтләгән театраль күренешләргә, монологларга бай булды. Алар сугыш еллары, халкыбызның, татар композиторларының классик җырлары һәм “Сюрприз” бию төркеменең тематик биюләре белән үрелеп барды. Сценарий авторы – мәгариф бүлеге методисты Гөлназ Әхмәтвәлиева. Концерт турында тулырак “Теләче” газетасының киләсе саныннан укый аласыз.
Фәнил Нигъмәтҗанов.
Следите за самым важным и интересным в Telegram-каналеТатмедиа
Нет комментариев