Балигъ булмаганнарның юл хәрәкәте кагыйдәләрен бозуны кисәтү буенча чаралар күреләчәк
Татарстан Республикасы буенча Эчке эшләр министрлыгының дәүләт автоинспекциясе 2025 елның беренче яртыеллыгында балалар катнашында аварияләрнең хәвефле статистикасы турында хәбәр итә. Узган елның шушы чоры белән чагыштырганда юл-транспорт һәлакәтләре саны 27 кешегә арткан.
Авария хәлендәге төп күрсәткечләр:
- барлык һәлакәтләрнең 48%ы җәяүле балалар катнашында булган;
-велосипедта йөрүче балалар катнашында 30 юл-транспорт һәлакәте теркәлгән (балигъ булмаган йөртүчеләр катнашында 11 юл-транспорт һәлакәте);
- юл-транспорт һәлакәтләренең 68 очрагында балаларның саксызлыгы аркасында килеп чыккан.
- Балалар авариясе арту сәбәпле, 2025 елның 1 августыннан 10 августына кадәр Татарстанда “Юлларда балалар!” дигән оператив-профилактик чара үткәреләчәк. Чараның төп максаты : балалар һәм яшүсмерләр юл хәрәкәте кагыйдәләрен бозуга чик кую; балигъ булмаганнарның юл хәрәкәте кагыйдәләрен үтәүне контрольдә тотуны көчәйтү; юл хәрәкәте кагыйдәләрен бозуларны профилактикалау буенча профилактик чаралар үткәрү, – дип хәбәр итте районның ЮХИДИ бүлеге җитәкчесе, милиция капитаны Илнур Каримуллин.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев