Быелның 1 июленнән этләрне исәпкә алу (чиплаштыру) буенча канун гамәлгә керде

Бу хакта газета укучыларыбызга тулырак мәгълүмат бирү өчен без берничә сорау белән район ветеринария берләшмәсе җитәкчесе Илгизәр Гариповка мөрәҗәгать иттек.

- Этләрне электрон исәпкә алу (чиплаштыру) ни өчен кирәк?

- Беренчедән, аннан башка этләрне чит илгә чыгармаячаклар, икенчедән, күргәзмәләрдә, чемпионатларда катнаша алмаячаклар, өченчедән, этләрне бер-берсе белән алыштыру мөмкинлеге булачак, токымнары буталмый, өченчедән, прививка исәбе кереп барачак. Югалган этләрне табу бермә-бер җиңел булачак. Теркәлү өчен эт хуҗасының паспорты, ИНН һәм СНИЛС кебек документлары булуы шарт. Этне тууга, яки сатып алгач, 30 көн эчендә теркәү мәҗбүри.

- Әлеге срокка сыеша алмасаң, нинди җәза карала?

- Ике меңнән дүрт меңгә кадәр штраф түләттерү карала. Закон бозу тагын кабатланса, ул чакта эт хуҗасына биш мең сум чыгарып салырга туры киләчәк.

- Чиплар эткә ни рәвешле урнаштырыла?

- Нәни генә, шариксыман электрон чип ике-өч айлык һәм аннан өлкәнрәк этләрнең муен тирәсенә шприц белән кертелә. Электрон чип аша эт турындагы бөтен мәгълүматны алып булачак. Бер этне исәпкә кую бәясе - 250 сум.

Фәнил Гаязов.