Эшчәнлекләре белән таныштылар
Бүген районыбызда еврей автоном өлкәсеннән Авыл хуҗалыгы департаменты җитәкчесе Пащенко Александр Николаевич җитәкчелегендә делегация булып китте.
Аларны районга Татарстан Республикасы Авыл хуҗалыгы һәм азык-төлек министры урынбасары Нияз Хурамшин озата килде. Делегацияне муниципаль район башкарма комитеты җитәкчесе Илнур Хамидуллин, район авыл хуҗалыгы һәм азык-төлек идарәсе җитәкчесе Ралиф Низаметдинов каршы алды.
Эшлекле сәфәр вакытында районыбыз кунаклары «Август-Теләче» ширкәтенең ашлык кабул итү, киптерү, чистарту һәм саклау комплексында, танылган фермер Сәгыйть Гыйниятуллин хуҗалыгында һәм «Нәүрүз» авыл хуҗалыгына караган «Теләче сөт – май заводы» нда булып, аларның эшчәнлекләре белән таныштылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев