Габдулла Тукайның туган көне уңаеннан Теләченең өченче номерлы балалар бакчасында күп чаралар уза

Бүген иң кечкенәләр төркемендә (тәрбияче — Хуҗина Р.Г.) чираттагы чара булды: балалар «Кызыклы шәкерт» шигыренең инсценировкасын карап, шагыйрьнең әсәрләре белән танышуны дәвам иттеләр. Балалар тамашаны зур кызыксыну белән күзәттеләр, таныш юлларны кабатладылар, геройларны сурәтләделәр. Мондый очрашулар тәрбияләнүчеләргә милли әдәбиятка мәхәббәт тәрбияләргә, сөйләмне, хыялны һәм иҗади сәләтне үстерергә ярдәм итә.