«Гомерем минем моңлы бер җыр иде...» дип исемләнгән әдәби квиз узды

Әлеге чарада районыбыз мәктәпләреннән җыелган 13 команда көч сынашты. Бәйге нәтиҗәләре буенча Югары Кибәхуҗа урта мәктәбенең "Кызыл ромашка" командасы 1 урынга, Олы Мишә урта мәктәбенең "Кызыл йолдыз" командасы 2 урынга, Сауш төп мәктәбенең "Бәхет" һәм Алан урта мәктәбенең "Серле йомгак" командалары 3 урынга лаек булдылар.

Олы Мәтәскә урта мәктәбеннән Ибраһимова Ләйсән "Иң яхшы Муса Җәлил иҗатын белүче", Шәтке мәктәбеннән Мөхәмәтханов Айбулат "Иң оста иҗат итүче" буларак танылдылар. Квиз патриотик һәм күтәренке рухта үтте, Кече Кибәхуҗа төп мәктәбе укучылары тарафыннан әзерләнгән музыкаль чыгышлар белән үрелеп барды.