Казанда «Мәктәп чисталык Кубогы» экология турнирының финалы узды

Әлеге проект «Алдынгылар хәрәкәте» Россия балалар һәм яшьләр хәрәкәте гранты ярдәме белән гамәлгә ашырыла.

Проектта 4 кешедән торган Татарстан Республикасы мәктәпләре командалары өч этапта катнашты: «Чиста уеннар» форматында экологик ярышлар (зона туры 15 сентябрь көнне Теләчедә үтте), ай дәвамында «Другое дело» платформасында онлайн-марафон биремнәре үтәү һәм финал - IT паркта экологик квиз. 

Әлеге турнирда безнең районнан Шәтке, Теләче мәктәпләреннән өч команда уңышлы катнашып финалга чыкты,  дипломнар һәм истәлекле бүләкләр белән тәбрикләнде. Ә республикакүләм турнирны оештыруда катнашкан балалар дирекциясе әгъзасы Зәринә Сабировага проект җитәкчесе Максим Антонов һәм ТР Рәисе ярдәмчесе, Алдынгылар хәрәкәтенең регион бүлек җитәкчесе Тимур Сөләйманов исеменнән рәхмәт хаты тапшырылды.