Мошенниклык очраклары сизелерлек артты

Күпчелек корбаннар — 25-55 яшьлек даими кереме булган эшләүче гражданнар. Мошенниклар үзләрен хокук саклау органнары, банк хезмәткәрләре итеп танытып, акча урлау өчен психологик басым ясыйлар.

Төп мошенниклык схемалары:

• «Сезнең якын кешегез авариягә эләккән»: Туганнарыгызны коткару өчен акча таләп итәләр.
• Банк хезмәткәре ярдәме: «Шикле транзакция» яки «кредит алу» турында хәбәр итеп, акчаны «куркынычсыз исәпкә» күчерергә кушалар.
• Инвестиция һәм онлайн-кибетләр: Ялган сайтлар аша акча җыю. 

   

Үзегезне ничек сакларга:

1. Билгесез номерлардан шалтыратуларга ышанмагыз.
2. «Куркынычсыз счет» дигән сүзләргә ышанмыйча, трубканы куегыз.
3. Шик туса, турыдан-туры банкка яки полициягә (102) шалтыратыгыз