Дүртенче балага 200 мең сум акча бирәчәкләр
Татарстанның Буа районында дүртенче һәм аннан соңгы бала туу өчен 200 мең сум күләмендә түләү кертергә планлаштыралар. Муниципалитет Башкарма комитетының тиешле карары проекты әлегә коррупциягә каршы экспертиза уза.
Новация муниципаль берәмлектә туучылар санын арттыру буенча чараларны тагын да көчәйтергә тиеш. Бер тапкыр бирелә торган түләү мөрәҗәгать иткән вакытта ким дигәндә бер ел дәвамында Буа районы территориясендә даими яшәүче һәм хөкем ителмәгән хатын-кызлар өчен каралган.
Бала туу турындагы актны Буа районының ЗАГС бүлегендә теркәргә кирәк. Мөрәҗәгать дүртенче һәм аннан соңгы балалар туган көннән алып алты ай эчендә тапшырылырга тиеш.
Чыганак:татаринформ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев