Татарстанда җомга көнне, 5 июньдә, һава шартларының начараюы көтелә. Көн дәвамында кыска вакытлы яңгырлар, урыны белән яшенле яңгырлар, ә кайбер районнарда хәтта боз да булырга мөмкин, дип хәбәр итә төбәкнең Гидрометеорология үзәге.
Җил төньяктан һәм төньяк-көнбатыштан секундына 6-11 метр тизлек белән исәчәк, әмма яшенле яңгыр вакытында тизлек секундына 15-17 метрга җитәргә мөмкин.
Көндез һава температурасы +24 градуска кадәр күтәреләчәк.
Чыганак:казанкп
Нет комментариев