Кыяр һәм помидор бәясе кыйммәтләнгән

Татарстанда гыйнвар башында сатып алучылар яшелчәләргә бәяләрнең кискен артуын теркәгәннәр. Росстат мәгълүматлары буенча, помидор бәясе уртача 13% ка, ә кыяр бәясе 21% ка арткан. Бәяләр күтәрелү Яңа елның беренче ике атнасында ук сизелә башлады.

Экспертлар кыйммәтләнүне берьюлы берничә фактор белән аңлата. Төп сәбәп – сезонлылык: елның салкын вакытында яшелчәләрне күбесенчә теплицаларда үстерәләр, бу продукциянең үзкыйммәтен сизелерлек арттыра. Өстәмә йогынты логистик чыгымнар үсеше һәм НДС ставкасының 22% ка кадәр күтәрелүе күрсәтте.

Эшмәкәрләр сүзләренчә, логистикага чыгымнар якынча 20% ка арткан. Бу, инфляция тизләнеше белән беррәттән, сатып алучылар өчен ахыргы бәядә турыдан-туры чагыла. Хәзерге вакытта бер килограмм кыярның бәясе 300 сумнан 700 сумга кадәр.

Помидорның бәясе килограммы 250 сумнан башлана. Сатучылар билгеләп үткәнчә, базарда продукциягә кытлык юк. Томатларны Россия төбәкләреннән дә, якын чит илләрдән дә китерәләр.

Чыганак: татарстан24