Медицина ярдәмен дөрес күрсәтмәгән өчен штраф?!
Сәламәтлек саклау министрлыгы ярдәмне дөрес күрсәтмәгән өчен штрафка тартырга тәкъдим итә.
Россия Сәламәтлек саклау министрлыгы табиблар һәм медицина учреждениеләре өчен, алар клиник тәкъдимнәргә җавап бирми торган медицина ярдәме күрсәткән очракта, административ җаваплылык кертүне күздә тоткан закон проекты әзерләгән. Бу хакта «Российская газета» яза.
Шул хактагы закон проекты норматив хокукый актлар Федераль порталында урнаштырылган. Документ җәмәгать тыңлауларын узган инде.
Медицина учреждениесе тиешле критерийларга туры килми торган медицина ярдәме күрсәткән очракта, аңа кисәтү белдерелергә яки штраф салынырга мөмкин. Штрафның күләме вазифаи затлар өчен – 10-20 мең, юридик затлар өчен 50-70 мең сум тәшкил итә.
Фото: архив/Александр Эшкинин
Следите за самым важным и интересным в Telegram-каналеТатмедиа
Нет комментариев