Мобилизацияләнгән кешенең кереме балага бердәм пособие билгеләүгә тәэсир итмәячәк

Шундый карарны Россия Премьер-министры Михаил Мишустин имзалаган иде. Билгеләп үтелгәнчә, аз керемле гаиләләр балаларга түләүләр сорап мөрәҗәгать итә ала, аларның бу пособиене алу критерийларына туры килүе шарт. Моңа кадәр Хөкүмәт ачыклык керткәнчә, Украинада махсус хәрби операциядә катнашучының яралануы яки үлеме өчен компенсация гаиләнең мохтаҗлыгын бәяләгәндә исәпкә алынмаячак.

Россия Президенты Владимир Путин 5 гыйнварда Карачай-Черкас Республикасы башлыгы Рәшит Темрезов белән очрашуда белдерүенчә, социаль пособиеләрнең эшләнелә торган бердәм системасы Россиянең түбән керемле барлык гаиләләренә ярдәм итү өчен булдырылган. Ул, хатын-кызның йөклелек вакытыннан башлап, балага 17 яшь тулуга кадәр чорга исәпләнгән.

Чыганак: https://tatar-inform.tatar/news/mobilizaciyalangan-kesenen-kereme-balaga-berdam-posobie-bilgelauga-taesir-itmayacak-5866354