Муса Җәлилнең 120 еллыгын үткәрү буенча оештыру комитеты төзелде
Татарстанда татар шагыйре, Советлар Союзы Герое һәм Ленин премиясе лауреаты Муса Җәлилнең тууына 120 ел тулуны бәйрәм итүгә әзерлек эшләре башланды. Тиешле боерыкка республиканың премьер‑министры Алексей Песошин кул куйды.
Боерык нигезендә юбилей чараларын әзерләү һәм уздыру буенча оештыру комитеты төзелде. Комитет 60 көн эчендә датаны бәйрәм итүнең җентекле планын расларга тиеш. Эшне координацияләү һәм боерыкның үтәлешен контрольдә тоту ТР Мәдәният министрлыгына йөкләнгән.
Исегезгә төшерәбез, 2025 елның октябрендә Адыгеянең Кошехабль районы Политотдел утарында Советлар Союзы Герое шагыйрь Муса Җәлилгә һәйкәл ачтылар. Тантана Бөек Ватан сугышында Җиңүнең 80 еллыгын бәйрәм итү кысаларында узды һәм анда яшәүче татар диаспорасы вәкилләрен җыйды.
Ә Җәлилнең туган ягы Оренбург өлкәсе аның тууына 120 ел тулуга багышланган документаль фильм төшерү урыны булачак.
Чыганак:реальное время
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев