Сәламәтлекне ныгытуның бишьеллык программасын эшлиләр
Казанда 2026-2030 елларга шәһәр халкының сәламәтлеген ныгыту программасы эшләнде. Документ коррупциягә каршы экспертиза уза. Программа «һәркем өчен Сәламәтлек» федераль проекты кысаларында булдырылган һәм сәламәт яшәү рәвешен үстерүгә һәм авыруларны профилактикалауга юнәлдерелгән.
Программманың төп максаты – төп куркыныч факторларны – тәмәке тарту һәм алкогольне чиктән тыш куллануны киметү. Шулай ук массакүләм спортны активрак үстерү планлаштырыла.
2030 елга хакимият 3 яшьтән 79 яшькә кадәрге Казанда яшәүчеләрнең 70 проценты даими рәвештә спорт белән шөгыльләнер дип өметләнә. Моннан тыш, куркыныч төркемнәрдәге гражданнарның 80 проценты медицина күзәтүе астында булырга тиеш. Алкоголь куллануны чирек өлешкә киметү планлаштырыла.
Программаны шәһәр ведомстволары — Башкарма комитет, сәламәтлек саклау һәм социаль сәясәт идарәләре, шулай ук иҗтимагый оешмалар гамәлгә ашырачак. Үтәлешне контрольдә тоту Башкарма комитет җитәкчелегенә йөкләнгән Программа кысаларында профилактик медицина тикшерүләре, спорт һәм наркотикларга каршы чаралар, шулай ук сәламәт туклануны популярлаштыру һәм зарарлы гадәтләрдән баш тарту буенча акцияләр планлаштырылган.
Чыганак:казанкп
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев