Суд исерек килеш рульгә утырган машина йөртүчене мәҗбүри эшләргә хөкем иткән
Казанның Яшел Үзән судында исерек килеш машина белән идарә иткән өчен Александр Яковлевка карата хөкем карары чыгардылар, ул моңа кадәр медицина тикшерүеннән баш тарткан булган.
«Узган елның сентябрендә исерек хәлдәге ир-ат Toyota Camry автомобиле белән идарә иткән. Яшел Үзәннең Төзүчеләр проспектында төнге сәгать икеләр тирәсендә ул юл-патруль хезмәте патрулен күреп алган һәм машинасын туктата, пассажир урынына күчеп утырган. Шуннан соң аны тоткарлаганнар», - дип сөйләделәр «Татар-информ» агентлыгына судның матбугат хезмәтендә.
Медицина тикшерүе узган вакытта аның канында ике промилледән артык алкоголь тапканнар. Соңрак Александр Яковлев судта гаебен тулысынча таныган. Суд аңа 300 сәгатьлек мәҗбүри эшләр рәвешендә җәза билгеләде, ул шулай ук ике ел да ун айга машина йөртү таныклыгыннан мәхрүм ителде. Хөкем карары әле законлы көченә кермәгән.
Чыганак: татаринформ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев