Бүген элемтәнең барлык тармаклары хезмәткәрләре көне билгеләп үтелә

Хөрмәтле барлык элемтә хезмәткәрләре, ветераннары! Сезнең хезмәт - һәрчак иң кирәкле өлкәләрнең берсе. Телефон, радио, интернет, телевидение кебек элемтә чараларыннан башка тормышыбызны күзаллау мөмкин түгел. Районыбыз элемтәдә яңа технологияләр кертүдә алда бара, яңа проектлар гамәлгә ашырыла, тармакта үз һөнәрләренең осталары эшли. Киләчәктә дә заман казанышларыннан файдаланып, районның икътисадын үстерү, яңалыкларны пропагандалау юнәлешендә нәтиҗәле эшләрсез дигән ышаныч бар. Һәрвакыт иҗади эзләнүдә, эшлекле сөйләшүдә булган, якыннарыбыз белән аралашу мөмкинлеге тудырган, яхшы кәеф өләшкән һөнәр осталарына алга таба да уңышлар телибез. Һөнәри осталык, яхшы хәбәрләр, ышанычлы элемтә, саулык-сәламәтлек, яхшы кәеф тугры юлдашыгыз булсын!