Психиатр яшүсмерләрдә психологик проблемаларның тышкы билгеләрен атады
Заманча яшьләр протесты үлем темасын модалы итте, дип билгеләп үтте Ләйлә Шәйдукова.
Татуировкаларга, пирсингка һәм үз тәненә зыян китерүгә тартылу - яшүсмерләрдә психологик проблемаларның беренче билгеләренең берсе. Бу очракта ата-аналарга баланы психологка алып баруны кичектермәскә кирәк. Андрей Кузьминга биргән интервьюда ТР атказанган табибы, КДМУ психиатрия профессоры Ләйлә Шәйдукова шундый киңәшләрен җиткерде.
Ул билгеләп үткәнчә, яшьләр даирәсендә үз — үзеңне күрсәтү модасы 10-15 ел элек - татуировкалардан һәм пирсингтан башланган.
"Бу психиатр өчен психологик проблемаларның беренче сигналларын күрү өчен җитә. Әйтик, совет чорында армиягә татуировкалары булган кешеләрне риск төркеменә керткәннәр. Һәм психиатр белән консультация үткәргәннәр", — дип сөйләде Шәйдукова.
Ул ата-аналарга бала белән ышанычлы мөнәсәбәтләрне сакларга һәм аның аралашу даирәсенә игътибар белән карарга кирәк, дип өстәде. Еш кына нәкъ менә аннан төрле «модалы» куркыныч мавыгулар килә.
«Бу куркыныч факторларны ата-аналар билгели аламы? Татуировканы күрделәр - бу, ким дигәндә, психолог янына мөрәҗәгать итү, шулай ук баланың кем белән аралашуын белү өчен сәбәп. Әйе, яшьләр протесты һәрвакыт бар иде, эмо, готлар, ә элек — панклар һәм рокерлар. Әмма әле беркайчан да яшүсмерләр протесты үлем темасына кагылмады", - дип ассызыклады табиб.
Ләйлә ШАЙДУКОВА белән әңгәмәнең тулы версиясен sntat.ru сайтында укый аласыз.
Следите за самым важным и интересным в Telegram-каналеТатмедиа
Нет комментариев