Райондашларыбыз "Татар моңы" Халыкара телевизион яшь башкаручылар бәйгесендә катнаша

Конкурсның төп максаты: татар халык җырларын, татар классик композиторларының әсәрләрен пропагандалау һәм яшьләр арасында популярлаштыру.
Татар музыка сәнгатенең югары үрнәкләре саналган әсәрләрне башкаруны төп таләп итеп куеп, конкурс сәләтле яшьләрнең зәвыгын үстерүне дә үзенең максаты итеп саный.
Әлеге чарада, Теләче районыннан, "Вокал соло" номинациясендә Диләрә Исмәгыйлова, Гөлинә Имамиева, Рәнис Гатауллин, Фәндүс Гильметдинов һәм баянчы Илфар Каюмов катнашачак.