Сүнмәсен дә, сүрелмәсен

Районның гражданлык хәле актларын теркәү бүлегеннән алынган мәгълүматларга караганда, июнь аенда алты, июльдә тугыз, август аенда шулай ук тугыз яшь пар үзенең никахын теркәгән, ә инде ел башыннан барысы 42 пар матур гаилә корып, олы тормыш юлына аяк баскан. Сентябрь аенда исә алты, октябрьдә ике пар чәчен чәчкә бәйләргә ниятли икән. Бер-берсен сөеп, яратып табышкан, мәхәббәт хисләренең ныклыгына инанып, олы тормыш юлыннан бергәләп атларга карар кылган парлыларыбызга гомерләренә җитәрлек тигез мәхәббәт телибез. Дусларыгыз күп, ризыгыгыз мул булсын. Мәхәббәтегез гомерегезнең соңгы көннәренә кадәр сүнмәсен, сүрелмәсен.