Татарстанда өч меңнән артык машина йөртүче тонировка өчен штраф алган

ЮХИДИ Татарстан буенча 19-28 апрельдә узган тонировканы бозучыларга рейдка йомгак ясады. Бу хакта «Татар-информ» МА республика Дәүләт автоинспекциясе хәбәр итә.

Ике атна эчендә автоинспекторлар 3188 машина йөртүчене штрафка тарткан. Артык тонировка белән кабат йөргән өчен 28 машина йөртүчене административ җаваплылыкка тарттылар. Дәүләт автоинспекциясе кабат бозган өчен ике меңнән алып дүрт мең сумга кадәр штраф яки 15 тәүлеккә кадәр арест каралган, дип искәртә.

Татарстан Дәүләт автоинспекциясе юл хәрәкәтендә катнашучыларның барысын да юл хәрәкәте кагыйдәләрен үтәргә чакыра.