«Татмедиа» бинасында ашыгыч ярдәм хезмәткәрләренә рәхмәт йөзеннән йөрәк кабынды

«Татмедиа» бинасы тәрәзәләрендә йөрәк сурәте барлыкка килде. Шулай журналистлар ашыгыч ярдәм хезмәткәрләрен һөнәри бәйрәмнәре белән котладылар.

28 апрельдә Россиядә ашыгыч медицина ярдәме хезмәткәрләре көне билгеләп үтелә. Бу көнне сәламәтлек саклауның иң җаваплы юнәлешләренең берсе хезмәткәрләренә рәхмәт әйтергә, аларга һөнәри осталыклары, кыюлыклары, түземлекләре һәм шәфкатьлелеге өчен рәхмәт әйтергә кирәк.

Сурәт бинада #МыВместе акциясе ярдәмендә кабынды. Элегрәк «Татар-информ» МА хәбәр иткәнчә, бүген Казанның Ашыгыч медицина ярдәме станциясе хезмәткәрләре беренче тапкыр үзләренең һөнәри бәйрәмнәрен рәсми рәвештә билгеләп үткәннәр.

Ашыгыч ярдәм хезмәткәрләре көне озак вакытлар Россиядә рәсми булмаган рәвештә бәйрәм ителде. Ул бары тик 2020 елда гына расланды – тиешле карарны Россия Президенты Владимир Путин имзалады.