“Аек йөртүче” чарасы узды

Чара барышында район юл хәрәкәте иминлеге дәүләт инспекциясе хезмәткәрләре машина йөртүчеләрнең аеклыгын тикшерү максатыннан массакүләм тикшерү үткәрделәр. Исерек йөртүче үзе өчен генә түгел, башкалар өчен дә куркыныч. Ул көтелмәгән һәлакәтләр, кайгы-хәсрәтләр китереп чыгарырга мөмкин. Транспорт чарасы белән исерек хәлдә идарә итү җинаятькә тиң гамәл. Район юл хәрәкәте иминлеге дәүләт инспекциясе хезмәткәрләре райондашларыбызны транспорт белән аек килеш идарә итәргә чакыра.