Балалар бакчасында эшләүче педагоглар инновацион тәҗрибә белән уртаклаштылар

Бүген Теләченең беренче  номерлы  балалар бакчасы базасында мәктәпкәчә белем бирү учреждениеләренең педагогик хезмәткәрләре өчен район семинар-киңәшмәсе узды. Һөнәри диалогның темасы — «Мәктәпкәчә яшьтәге балаларда техник сәләтләрне үстерү» дип аталды. Биредә иң яхшы тәҗрибәләр белән уртаклашу өчен җанлы һәм продуктив мәйданчык эшләде. Педагоглар бүгенге  заман шартларында балаларны уен һәм практик дәресләр аша югары технологияләр дөньясы белән ничек мавыктырырга мөмкин булуын күрсәттеләр. Нәни инженерлар робот-вертолет җыйдылар, конструкторлардан машина модельләре ясадылар, йомшак модульләрдән эре габаритлы автомобильләр төзеделәр, кызыклы  тәҗрибәләрдә, экспериментларда рәхәтләнеп катнаштылар, ясалама интеллект ярдәмендә электрон бүләк ясадылар, хәтта, “акыллы колонка- алиса”ны да “төзәттеләр”.

Балалар бакчасында ук робототехника серләренә төшенү, ясалма интеллект белән эшләү күнекмәләрен булдыру, бүгенге  көндә актуаль булган интернер һөнәрләрен үзләштерүгә бер адым булып тора.