Бар җирдә дә тәртип кирәк

 “Чулпан”, “Август - Теләче”  ширкәтләрендә көзге кыр эшләре күптән тәмамланды инде. “Алан” акционерлык җәмгыятендә кукуруз мәйданнарының бөртеккә  соңгы гектарлары суктырыла. Кукуруздан бушаган кырлар, комплекслы рәвештә шундук эшкәртелеп барыла. Әлеге хуҗалык 10 гектар мәйданнан бөртеккә 72 тонна кукуруз җыеп алган. Бер гектарга күчереп исәпләгәндә 72 центнер кукуруз уңышы туры килә. Район авыл хуҗалыгы һәм азык - төлек идарәсеннән 6 октябрьгә алынган мәгълүматларга караганда, җаваплылыгы чикләнгән “АгроЛак” ширкәтенең бөртеккә  -  280, “Игенче” ширкәтенең -  156 гектарда кукуруз мәйданнарын җыеп аласылары бар. Өстәвенә, әлеге хуҗалыкларның табышлы техник культуралардан саналган  - көнбагыш мәйданнары да өлгереп килә. Ул “АгроЛак” ширкәтендә 248, ә “Игенче”дә - 280 гектар мәйданда игелгән. Хуҗалыкларда көнбагышның дымлылыгы бүген 16 - 175 тәшкил итә.

Шулай ук  бүген районыбыз кырларында киләсе ел уңышына ныклы нигез салына, уңышы җыеп алынган мәйданнарда тулы куәткә төп эшкәрү алып барыла. Бу уңайдан “Алан” акционерлык җәмгыяте, “Чулпан”  ширкәте игенче - механизаторларының оптималь срокларда башкарган сыйфатлы хезмәте аеруча мактауга лаек. Соңгылары көзге мөһим агрочараны тәмаларга да өлгерде инде. 

Йөреш вакытында район җитәкчеләре тарафыннан юл кырыйларына, багана төпләренә, кырлар культурасына һәм  авыл биләмәләренең чисталыгына - пөхтәлегенә зур игътибар бирелде. Бу уңайдан муниципаль район башлыгы Айрат Фатхуллин: “Бар җирдә дә дә тәртип булырга тиеш! Кышка кереп барган бер мәлдә итәк - чабуларны җыерга вакыт. Юллар, юл буйлары районыбызның йөзен билгели,” - дип белдерде.