Баш батыр булып Муса Галләмов танылды

Ул финалда Сергей Павликны чиста алым белән отты. Муса Галләмов тумышы белән Марий Эл республикасы Бәрәңге районыннан. Ул туган республикасында Сабантуй үткәргәнгә көрәш карьерасын тәмамламый торуын әйтте. «Көрәш карьерасын бетерәсе дә килгән иде. Марий Элда Сабантуй була дигәч, яңадан спорт залына кайтып шөгыльләндем, Бөтенроссия Авыл Сабан туенда да көрәшмәдем. Әлһәмдүлилләһ», - диде Муса җиңүеннән соң. Баш батырга тәкә һәм Татарстан Рәисеннән Лада Гранта автомобиле бүләк иттеләр. Муса әйтүенчә, бу аның карьерасында 10 нчы машина. //

Татар-информ