Беренче ярдәм күрсәтү буенча укулар

Барлыгы 130дан артык бала чара дәвамында практик белем һәм күнекмәләр алдылар: төрле бәхетсезлек очракларында эш итү алгоритмы белән таныштылар, махсус манекенда йөрәк-үпкә реанимациясе күнекмәләрен эшләделәр.

Һәр бала махсус инструктор җитәкчелегендә теорияне практикада кулланып карый алды. Чөнки реаль тормышта табиблар килгәнче нәкъ менә шушы беренче минутлар еш кына хәлиткеч була. Хәзер алар ничек дөрес эш итәргә һәм паникага бирешмәскә икәнен төгәл беләләр. Җәйге яллар имин узсын!