Һөнәри бәйрәм котлавы

Хәзер без тормышыбызны электр энергиясеннән башка күз алдына да китерә алмыйбыз. Ул һәр сәгатьтә, һәр минутта кирәк, ул комплекслы рәвештә яшәешебезне тәшкил итә. Районыбыз тормыш-көнкүрешенең имин һәм уңайлы булуы өчен “Теләче электр челтәрләре” һәм “Энергосбыт”ның клиентларга хезмәт күрсәтү офисы коллективлары зур көч куя һәм армый-талмый хезмәт итә. Сезгә районыбыз оешма-предприятиеләрен, бюджет учреждениеләрен, шәхси секторны һәм аларның яшәешен, икътисадын электр энергиясе белән тәэмин итү бурычы йөкләнгән. Шунысы куанычлы, сез әлеге бурычны җиренә җиткереп башкарасыз һәм киләчәктә дә алда торган бурычларны зур бирелгәнлек, намус белән үтәрсез дип ышанып калабыз.

Үзегезгә, гаиләләрегезгә, тармак ветераннарына сәламәтлек, бәхет, иминлек телибез.

Муниципаль район Советы, муниципаль район башкарма комитеты

Фото: интернеттан