Якташларыбыз иҗаты

Аяз күктән кояш нурын сибәр,
Җир җылыныр кояш нурыннан.
Кыр казлары очар,бик биектән-
Без яшәгән авыл турыннан.

Кыр казлары кайтыр Туган җиргә,
Тик тынычлык бирсен илләргә !
Исән булып илгә кайту язсын-
Яу кырыннан егет,ирләргә !

Биек күктән кабат ишетелер
Тургайларнын очып сайрауы...
Балаларның шат тавышы күмәр,
Мәктәп янын,Гомәр тауларын.

Туган илдә,үзе туган җиргә ,
Кабат чыгар кырга игенче...
Тик тынычлык булсын,тик тынычлык -
Һавалардан килсен җир исе !

Язны көтеп күңел дулкынлана,
Өмет итеп җиңү киләсен...
Ир-егетләр,илнең бөркетләрен,
Туган җирдә килә күрәсем !
Җәүдәт Мөхәмәтшин.
Казан-Сауш.13.01.2026 ел.