Яңа ел бүләкләре тапшырдылар
Өлешчә мобилизациягә чакырылган райондашларыбыз белән район җитәкчелеге элемтәдә тора. Шулай ук аларның гаиләре дә игътибар үзәгеннән читтә калмый.
Шушы көннәрдә “Ярдәм – Помощь” гомуммилләт хәйрия фонды Советы рәисе Илдар Баязитов, “Ярдәм – Помощь” гомуммиләт хәйрия фонды президенты Илһам Исмәгыйлев, Казан шәһәр думасы депутаты Мәликә Гильметдинованың ярдәмчесе Раил Сәитгазинның ярдәме белән районга хәрби хезмәткә чакырылганнарның гаиләләренә Яңа ел күчтәнәчләре тутырылган тартмалар кайтты. Әлеге изге эштә торган җитәкчеләргә район башлылыгы Нәҗип Хаҗиповның Рәхмәт хатын аның урынбасары Айрат Фатхуллин тапшырды. Эшләгән изге гамәлләре үзләренә кире әйләнеп кайтсын.
Күчтәнәчләрне ияләренә беркетелгән депутатлар, җитәкчеләр тапшырды. Ил сагында торучылар тизрәк туган якларына әйләнеп кайтсын дип кенә телисе килә.
Следите за самым важным и интересным в Telegram-каналеТатмедиа
Нет комментариев