Иртәгә Совет гаскәрләрен Әфганстаннан чыгаруга 37 ел тула

Бүген Теләчедә  сугышчы-интернационалистларны искә алу көненә багышланган митинг узды. Бу истәлекле дата — үзләренең хәрби бурычларын намус белән үтәүчеләрне искә алу, һәлак булганнар алдында баш ию һәм язмышлары шул еллардагы вакыйгаларга бәйле булган ветераннарга ярдәм итү өчен бер мөмкинлек.

Чарада район башлыгы Айрат Фатхуллин да катнашты һәм чыгыш ясады. 

-  Бу истәлекле дата  күпмилләтле Ватаныбыз халыклары арасында тынычлыкны, татулыкны һәм дуслыкны саклауның мөһимлеге өчен кирәк.  Без үз гомерләрен ватанга хезмәт итүгә багышлаган солдатларны һәм офицерларны мәңге истә тотачакбыз", - дип билгеләп үтте ул һәм барысына да сәламәтлек, ныклык, иминлек һәм иртәгәге көнгә ышаныч теләде.