Юл куркынычсызлыгы буенча киңәйтелгән утырышта

Илнур Хамидуллин рәислегендә узган утырышта Россия Федерациясе Эчке эшләр министрлыгының Теләче районы бүлеге җитәкчесе, полиция подполковнигы Илнар Зиннәтуллин, район мәгариф бүлеге җитәкчесе Наталья Карпова, “Теләчеинформ” мәгълүмат үзәге директоры Ленар Хуҗин һәм районның “Хуҗалык - эксплуатация конторасы” җитәкчесе Зөлфәт Абдуллин чыгыш ясады. 

Утырышта юл хәрәкәте иминлеге дәүләт инспекциясенең республика Идарәсенең оештыру һәм аналитика бүлеге өлкән инспекторы, полиция өлкән лейтенанты Альфред Гыйльмуллин катнашты. 

Киңәйтелгән утырышта йомгаклау сүзе белән муниципаль район башкарма комитеты җитәкчесе Илнур Хәмидуллин чыкты. Чыгышының азагында ул: “Әлеге юнәлештә җаваплы ведомстволар тарафыннан аз эш башкарылмый. Уңышларыбыз да бар. Әмма ирешелгәннәр чик түгел. Районда юл - транспорт һәлакәтләрен булдырмау һәм аларны  кисәтү эшен шул югарылыкта дәвам итәргә кирәк”, - дип белдерде.