Күкчә авылында балалар өчен сабан туе узды

- Балачак сабантуена бал корты Мая килде. Ул нәниләргә күңелле уеннар, ярышлар оештырды. Балалар уеннарда бик теләп катнаштылар, зур бүләкләргә ия булдылар. Көрәш ярышында авылыбыз егетләре бик теләп бил алыштылар. Төп батыр булып Закиров Азамат калды һәм төп приз – тәкәгә ия булды. Шәйхетдинов Айдар һәм Роза апалары пешергән тәмле плов, шашлык һәм кайнар чәй белән сыйландылар. Бәйрәмгә әти- әниләр дә зур өлеш керттеләр. Бәйрәмнн ештыруда ярдәм иткән һәр кешегә һәм иганәчеләр - Фасхетдинов Алмаз,Зиннатов Айнур, Фазылҗанов Илдар,Насыйбуллин Алмазларга зур рәхмәтебезне белдерәбез. Дөньялар тыныч булып киләсе елга да үткәрергә насыйп булсын иде шушындый күңелле бәйрәмнәрне, – дип хәбәр итә безгә авылның мәдәният хезмәткәрләре.