Милли тәрбия бирү төп бурыч

 Шул исәптән, әби-бабаларыбызның гореф-гадәтләрен дәвам итеп, Теләченең беренче номерлы балалар бакчасында, Сабантуй бәйрәмен “Бирнә җыю” белән башлап җибәрдек. Зурлар төркеме балалары татар халык киеменнән, колгалар тотып, “Сабантуй” җырын җырлап Полевая һәм Дальняя урамнарыннан “бирнә” җыеп йөрделәр.
Эле-электән үк әби-бабаларыбыз “бирнә” гә күкәй, яулык, чиккән сөлге, тастымал, төрле материаллар бүләк иткәннәр. Безгә дә берсеннән- берсе матур сөлгеләр, төрле бүләкләр, хәтта йомырка да бирделәр.
Балалар киләсе көнне булачак “Сабантуй” бәйрәменә чакырдылар. Теләче халкы елмаеп каршы алды,матур теләкләрен әйтеп озатып калдылар.

Балалар бакчасы коллективы