Нигез салучы призына
Бүген, ягъни 13 апрель көнне, “Батыр” спорт комплексында районда кул көрәше (армреслинг) спортына нигез салган, республикабызның Атказанган физкультура һәм спорт хезмәткәре Айрат Әхмәт улы Кыямов призына укучы балалар арасында кул көрәше (армреслинг) буенча район Беренчелеге булып үтте.
Ярышта 2010 - 2011 елларда туган яшүсмер егетләр һәм кызлар, 2012 - 2013 елларда туган малайлар һәм кызлар көч сынашты.
Көн буе дәвам иткән мавыктыргыч һәм киеренке ярышта командалар беренчелегендә Теләче урта мәктәбе командасы җиңү яулады. Икенче һәм өченче урыннарга Олы Нырсы урта мәктәбе егет-кызлары белән Иске Җөри урта мәктәбе укучыларга лаек булды.
Җиңүче командаларны һәм шәхси беренчелектә алдынгы урыннарга чыккан укучыларны муниципаль район башкарма комитеты җитәкчесенең социаль мәсьәләләр буенча урынбасары Динар Гыйниятуллин, “Теләче” спорт мәктәбе директоры Илдар Гыйниятуллин һәм ярышларның сәбәпчесе булган Айрат Кыямов тәбрикләде. Шунысы игътибарга лаек, ярышларны үткәрүгә Айрат Кыям улы үзе иганәчелек итте.
Фәнил Гаязов.
Следите за самым важным и интересным в Telegram-каналеТатмедиа
Нет комментариев