Теләчедә Яңа ел чараларына старт бирелде
Бүген район үзәге Теләчедә Төп чыршыны ачу тантанасы булды. Бәйрәм чарасы районның барлык хезмәт коллективлары катнашында техника һәм костюмлаштырылган Яңа ел парады белән башланып китте.
Нинди генә җәнлекләр, әкият геройлары юк иде анда.
Теләче халкын сәхнәдән Кыш бабай, Кар кызы, районыбыз башлыгы Нәҗип Хаҗипов, Татарстан Республикасы иҗтимагый палатасы рәисе Зилә Вәлиева, Татарстан Республикасында Кеше хокуклары буенча вәкаләтле вәкиле Сәрия Сабурская сәламләде, район мәдәният узешчәннәре катнашында әзерләнгән театральләштерелгән тамаша, җырлы-биюле концерт номерлары һәм бәйрәмнең махсус кунаклары - Алсу Әбелханова белән Ринат Гәрәй чыгышы бәйрәмгә тагын да күтәренке рух өстәде.
Зөлфия Ибраһимова.
Фәнил Нигъмәтҗанов фотолары.
Следите за самым важным и интересным в Telegram-каналеТатмедиа
Нет комментариев