Урыннардагы көндәлек эш барышы белән танышты

Мәсәлән, “Алан” ширкәтендә, ширкәт идарәсендә узган “Түгәрәк өстәл”дә Балыклы авылы янәшәсендә бер мең баш савым сыерга исәпләнеп төзелеп килүче терлекчелек комплексының икенче торагын төзеп бетерү, моның өчен инвестицияләр җәлеп итү һәм подрядчы оешмалар белән эшләү турында сөйләшенсә, “Агролак” ширкәтендә исә районыбыз җитәкчеләре техника ремонты барышы белән кызыксындылар, амбар хуҗалыгында, терлек азыгы хәзерләү үзәгендә булдылар. 

Йөреш вакытында күренгәнчә, “Агролак” ширкәте районыбызда бик күп заманча, куәтле техникага ия һәм аларны яхшы шартларда саклаучы хуҗалыкларыбызның берсе булып санала. Шунысы игътибарга лаек, хуҗалык Яңа 2025 елда  бер мең савым сыерына исәпләнгән үз саву залы булган яңа, заманча терлекчелек комплексы төзи башлауны планлаштыра.

Муниципаль район башлыгының авыл хуҗалыгы преприятиеләре буенча йөреше, йөреш вакытында яңгыраган фикер-тәкъдимнәр турында тулырак “Теләче” газетасының киләсе саныннан укый аласыз.

Фәнил Гаязов.