«Вакансияләр ярминкәсе» узды

admin, 12 апрель 2024 - 10:59

446

Хәзерге вакытта «Киләчәк» яшьләр үзәгендә Бөтенроссия вакансияләр ярминкәсе кысаларында районкүләм чара бара.

Бүген үткәрелгән вакансияләр ярминкәсендә “Родник” халыкка комплекслы социаль ярдәм күрсәтү үзәге, җаваплылыклары чикләнгән "Чулпан", “Август – Теләче” ширкәте, "Нәүрүз" сөт - май заводы, район мәдәният йорты, Саба һәм Теләче районнары хәрби коммиссариаты, ООО "Авангард -строй", ООО "ЛМРПласт", Хуҗалык-эксплуатацияләү конторасы оешмалары вәкилләре эш бирүче сыйфатында катнаштылар.

Әлеге чара хакында мәшьгульлек үзәге җитәкчесе Айдар Галимҗановтан сораштык:

- Әлеге чара Бөтенроссия буенча уза. Бүген монда Теләче мәшьгульлек үзәгенә вакансияләр биргән оешмаларны һәм районда эш эзләүчеләрне чакырдык. Килүчеләр бар. Алар монда эш тәкъдим итүчеләр белән күзгә - күз очрашалар, мәгълүмат белән танышалар. Очрашуның нәтиҗәләре дә булыр дип уйлыйм. Бу ярминкәләрне без елга берничә тапкыр уздырабыз, - диде ул.