Витаминлы суган үсәчәк!

 Бүген Балаларны экологик тәрбияләүдә практик, тикшеренү эшчәнлеге зур роль уйный. Баланың үсешенә әйләнә-тирә дөньяның йогынтысы бик зур.
Бүген өченче номерлы балалар бакчасында зурлар төркеме тәрбияләнүчеләре тәрбияче Ибраһимова А.Р. белән бергә суган утырттылар. Моның өчен таяк ярдәмендә җирне тирәнәйтеп, суган утырттылар соңыннан җентекләп су сиптеләр.
Хәзер табигать почмагында балалар һәр көн саен суган үсешен күзәтеп баралар. Аларның "түтәлләрендә" тәмле, витаминлы суган үсәчәк!