«Халкыбыз йолалары - илебез җәүһәрләре» дип исемләнгән II нче Республикакүләм бәйгесенең йомгаклау чарасы узды

Бәйгегә Республиканың төрле районнарыннан 40 ка якын видеоязма килгән.  Кичә шуларның иң-иңнәрен Алан мәдәният йортына дәшеп, конкурсантларны бүләкләү һәм аларның алдынгы тәҗрибәләре белән таныштылар. Арча, Кукмара, Саба, Питрәч, Биектау, Саба, Теләче районнары балалар бакчалары тәрбиячеләре зур әзерлек белән эчтәлекле чыгышлар ясады.  Фойеда күргәзмәләр оештырган балалар бакчалары шулай ук аерым бәяләнеп, дипломнар белән бүләкләнде. Кичәне Алан авылы мәдәният йорты мөдире Замалиева Г.Г. җитәкчелегендә эшләп килүче үзешчәннәр матур җырлар, биюләр белән бизәсә, Балалар иҗат үзәге педагогы  Рәфилә Набиуллина  "Татарстан сувенирлары" дип исемләнгән мастер - класс уткәрде.