20 нче поликлиникага яңа баш табиб билгеләнде
ТР сәламәтлек саклау министры боерыгы белән Казанның 20 нче шәһәр поликлиникасының баш табибы вазыйфасына Сергей Савинов билгеләнде. Мәгълүмат медицина учреждениесенең Telegram-каналында барлыкка килде.
2003 елда Сергей Савинов Казан дәүләт медицина университетын «Дәвалау эше» белгечлеге буенча тәмамлый, ә 2004 елда КДМУның 2 нче номерлы хирургия авырулары кафедрасында «Хирургия» белгечлеге буенча Клиник интернатура уза.
Савинов үзенең һөнәри юлын 2 нче шәһәр ашыгыч медицина ярдәме хастаханәсендә ашыгыч хирургия ярдәме күрсәтү буенча табиб эшеннән башлый. Аннары 5 нче шәһәр клиник хастаханәсендә һәм 16 нчы шәһәр хастаханәсендә медицина бүлеге буенча баш табиб урынбасары булып эшли, ә 2014 елда 10 нчы шәһәр поликлиникасын җитәкли, дип хәбәр итә «Татар-информ».
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев