Кулъязма Коръән материалларын Казанда бастырып чыгарачаклар
Кулъязма Коръәннең башлангыч материалларын Казанда бастырып чыгарачаклар - бу вакыйганы Татарстан мөселманнары Диния нәзарәтендә тарихи вакыйга дип атыйлар, дип хәбәр итә ТР мөселманнары Диния нәзарәте матбугат хезмәте.
«Идел-Пресс» нәшриятының полиграфия станогын Татарстан мөфтие, ТР мөселманнары Диния нәзарәте рәисе Камил Сәмигуллин, кулъязма Коръән әзерләү комиссиясе башлыгы Шәех Мәъмун ар-Рави, мөфти урынбасары һәм «Хуҗур» нәшрият йорты җитәкчесе Ришат Хәмидуллин, шулай ук каллиграф Артур Писаренко эшләтеп җибәрде.
Басма матбугаты «Хуҗур " нәшрияты контролендә булачак. Типография цехында аерым таләпләр кертелгән: эшкә бары тик ритуаль юыну хәлендә булган хезмәткәрләр генә рөхсәт ителә, һәм бу процесста алар ак перчаткалар кулланалар.
Коръәннең Казан кулъязмасы хәзерге Россия мөселман җәмгыятенең әһәмиятле фәнни-дини проектларының берсенә әверелде. Бу-илнең яңа тарихында иҗат ителгән беренче кулъязма.
Чыганак:татаринформ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев