Күп балалы гаиләләрдән булган студентларга белем алуга киткән чыгымнарны компенсацияләгәннәр
Республикада урта һөнәри учреждениеләрдән 325 укучы уку хакының өлешчә компенсациясен алды. Бу хакта Татарстан Республикасы Хезмәт, халыкны эш белән тәэмин итү һәм социаль яклау министрлыгында әйттеләр.
Ярдәм чарасы 2025 елның 1 сентябреннән башлап Татарстан көллиятләрендә һәм техникумнарында мәгариф хезмәтләре өчен кертелгән сумманың 30% ка кадәрен каплауны күздә тота.
Түләүгә укуга шартнамә төзегән 23 яшьтән өлкәнрәк булмаган студентлар яисә урта һөнәри белем бирү учреждениесендә балигъ булмаган баланың белем алуына шартнамә төзегән күпбалалы ата-аналарның яисә уллыкка алучыларның берсе дәгъва итә ала. Татарстанда даими яшәү һәм салымнар һәм башка мәҗбүри җыемнар буенча бурычлар булмау мәҗбүри шартлар булып тора.
Чыганак:татаринформ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев