Татарстанда -17 градуска кадәр суытачагы турында кисәттеләр

Татарстанда бу ял көннәрендә кисәк суыта. Республика Гидрометеоүзәгеннән шулай дип кисәткәннәр.
Синоптиклар фаразына караганда, бүген һәм иртәгә кар-буран, секундына 19 метр тизлектә җил, бозлавык көтелә. Төнлә -8 градуска кадәр суыта, көндез исә 0 градуска кадәр җылыта.

Якшәмбе – 20 ноябрьдә көндез һава температурасы -4…-10 градус чикләрендә тирбәләчәк. Төнлә исә термометрның терекөмеш баганасы -13, уйсурак җирләрдә -17 градуска кадәр төшәчәк.

Чыганак: https://vatantat.ru/2022/11/97226/

Фото: https://www.freepik.com